حسن يوسف: لما قررت اعتزل الفن واعمل مشروع اتنصب عليا (فيديو)

نادين يوسف | فى حياة المشاهير

حسن يوسف

الجمعة , 15 أبريل 2022 - 01:04 | اخر تحديث: الجمعة , 15 أبريل 2022 - 01:04

حكى الفنان حسن يوسف عن واقعة تعرضه للنصب بعد قرار اعتزاله الفن حيث قام بافتتاح مشروع تجاري في مدينة الإسماعيلية.

قال حسن يوسف خلال حواره مع الإعلامية ياسمين عز في برنامج "كلام الناس" المذاع على MBC مصر "اشتريت 20 فدان في الإسماعيلية وربنا رزقني بحارس محترف وانا معرفش حاجة وكل فترة بروح الاقيه محضرلي ورقة المصاريف"

نرشح لك: ترك الجامعة و الـ Gap Year.. كيف عبرت دراما رمضان 2022 عن تمرد الشباب على التعليم التقليدي

وتابع "وانا مش فاهم حاجة ومش هطلع قدامه عبيط فكنت بديله وارجع ملاقيش حاجة من اللي قال هيزرعها"

وأضاف "وجبت 8 عجول من وزارة الزراعة وقلت هيبقى عندي مزرعة حيوانات بعد شهرين قالي في عجلين ماتو وانا لحقت منهم 3 عجول وبعت الأرض وبعد كدة اكتشفت أن الحارس دبح عجل منهم في خطوبة بنته"

طالع ايضًا: عمرو زكي يحكي قصة ارتباطه بأحدى الممثلات: لسه بحبها.. صديقة منة فضالي وتغيرت من أجلي

وتابع "حكيت للشيخ الشعراوي قالي أنت مزارع ؟ قلتله لا قالي أنت فلاح ؟ قلتله ابدا قالي متشتغلش غير في الشغل اللي ربنا سخرك فيه وقالي بيع واخلص وخسرت 7 آلاف جنيه في أوائل السبعينات"

يذكر أن حسن يوسف شارك في مسلسل "الضاهر" مع محمد فؤاد، رغدة وغيرهم نخبة من النجوم.

اقرأ ايضًا:

حسن شاكوش يبكي لمرض والدته: حالتها مش كويسة بسببي