الملخص- عبد الله مشرف في "صاحبة السعادة": اسمي كان بيتكب قبل فاروق الفيشاوي وسقوطي في الثانوية سبب دخولي التمثيل

مروة لبيب | فى سينما وتلفزيون

عبد الله مشرف

الثلاثاء , 2 مارس 2021 - 13:03 | اخر تحديث: الثلاثاء , 2 مارس 2021 - 13:03

حل الفنان عبد الله مشرف ضيفا في برنامج "صاحبة السعادة" الذي تقدمه الفنانة إسعاد يونس عبر شاشة dmc.

وخلال الحوار تحدث عبد الله مشرف عن أسرار من حياته الفنية والشخصية نستعرضها لك في السطور التالية:

نرشح لك: أول تعليق من مذيعة نشرة التاسعة بعد تحويلها للتحقيق في واقعة الروج

-كنت بحب التمثيل من صغري وكنت بقلد الممثلين لأخواتي في البيت.

- سقطت مرتين في الثانوية العام وبعدين جبت 50% وكنت مبسوط أوى بس مفيش أي حاجة قبلت مجموعى.

-فى يوم روحت مع صديقى افتتاح عمر الخيام وكان فيه كل الفنانين فريد شوقى ورشدى أباظة واتصورت معاهم ومعايا الصور لحد دلوقت وبعد الافتتاح شفت المعهد العالى للفنون المسرحية بالصدفة وقدمت فيه.

-لجنة معهد الفنون المسرحية كان فيها سعد أردش وحمدى غيث وكمال ياسين، وقدمت مشهد في هاملت ونجحت، تانى دفعة كان فيها نور الشريف وكان اسمه جابر وبدّل اسمه حبا في عمر الشريف.

-مش بحب المسرح علشان كنت دايمًا أسمع أن فيه ممثلين كبار جدًا لما يموت لهم حد لازم الستارة تتفتح ويمثل قدام الناس بأي طريقة، أنا مقدرش أعمل كده إحساسي كده، فكنت بكره المسرح.

-خدمت في الجيش بعد تخرجي سنة 1968، وحاربت أمام القناة في الإسماعيلية وترقيت خلال فترة خدمتي إلى ضابط، ونقلت إلى كتيبة دفاع إقليمي في أسوان، ومخرجتش من الجيش إلا عام 1974 بعد العبور.

-الفنان الراحل أحمد زكي أشاد بأدائي وقال إني بمثل بطريقة مختلفة، وأعدنا مشهد من فيلم الهروب اللي جمعني بأحمد زكي بسبب ضحكنا على تقليدي أداء محمود المليجي في المشهد.

-بحب لجميع الأدوار اللي قدمتها ورفضت عرض أحد المنتجين لبطولة فيلم لتقديم شخصية عبدالله في مسلسل "يوميات ونيس".

-كان اسمى بيتكتب قبل فاروق الفيشاوى في المسرحيات على مسرح الطليعة، وفيلم الكيف أول مشاركة ليا في السينما.

-أول حاجه اشتغلتها مع محمد صبحى فيلم رجل بسبع أرواح، وقالى هبتدى مسرح وعاوزك معايا وبدأنا تخاريف، وكل الأدوار اللى عاملتها مع صبحى بحبها".

اقرأ أيضا:
"مفيش مقارنة بينا عشان تيجي تكلمني".. محمد رمضان يعلن عن موعد أغنيته الجديدة

محمد إمام بوجه ملثم على البوستر الرسمي لمسلسل "النمر"

نبيلة عبيد باكية: يوسف شعبان كان بيقف في البلاتوه زي التلميذ ياخد التعليمات

أمير المصري يعلن عن موعد عرض مسلسله البريطاني الجديد The One على Netflix