عمر كمال لحمو بيكا: أنا مش قليل الأدب زيك وممكن أقولك يا أبو كرش ..فيديو

مروة لبيب | فى حياة المشاهير

حمو بيكا وعمر كمال

الاثنين , 1 يناير 0001 - 00:01 | اخر تحديث: الأربعاء , 16 ديسمبر 2020 - 12:12

أبدى مطرب المهرجانات عمر كمال استيائه من هجوم حمو بيكا بسبب أغنية فستان فرح" مشيرا إلى أنه فوجئ بنشر مطرب المهرجانات حمو بيكا لصورته وعليها علامة خطأ كأنه اسرائيلي.

بالفيديو- بسبب فستان الفرح.. حمو بيكا يهاجم عمر كمال ويهدده "مع السلامة يا صحبة

وأضاف في بث مباشر أطل به على متابعيه على Facebook، "انا محترم جدا وسكتت كتير جدًا على إهانات وقلة أدب الناس ومش برد، وبكبر دماغي والناس بتشوفني على قد إيدها، وطالع تقول عليا قصير وشاكوش عجوز أنا ممكن اطلع أقولك يا أبو كرش بس أنا مش قليل الأدب زيك ومش مبدأ عندي".

وتابع "أول تراك أخده من بيكا "انتي معلمة" ولو قفلته هتقوم حرب وهقفلك كل تراكاتك اللي أنا مشترك فيها، أنا سايب كل التراكات على قناتك وانت اللي بتكسب منها وبتاكل بيها عيش، والله الغني، أنا بكسب من زمان وكل دا مش لازمني في حاجة".

وردا على هجوم بيكا قال عمر كمال إنه طلب من حمو بيكا أن يلتقي به عند الحلاق الخاص به ولكنه فوجئ باصطحابه شخص آخر معه يتفقا على مهرجان لصالح أحد مراكز بيع الفساتين مشيرا إلى أنه شعر بالإحراج من رفض الأمر أمام هذا الشخص ولكنه يود أن يصنع فن وأغاني مثل "عود البطل" و"بنت الجيران" وقال "القصة بدأت إن قاعد عند الحلاق بتاعي لاقيت بيكا داخل عليا واحد بيتفق على شغل فساتين، أنا مالي، أنا عايز أعمل فن كويس من غير أسماء، والأصول والأدب بتاع الشغل تسألني عايز كام في الشغل، أنا بقدرك لما بتطلب معايا في شغل، وبسألك، وإسلام ساسو موجود يشهد على مهرجان الدنيا بتجرح اللي انت خدته بدون ما تقول أو تستأذن وأنا اللي دافع فيه، وأنت بايع المهرجان لناس وقابض فلوسه فين حقي، أنا طول عمري ما بديك تراكتي، وعمر ما سألت حد فيكوا على جنيه".

وأكد عمر كمال أنه ساند بيكا في أزمته مع نقابة المهن الموسيقية، مشيرا إلى أنه تواصل مع النقابة خصيصا من أجل حل المشكلة وقال "أنا كنت بقف جنبك وبساعدك في عز ما صحابك هربوا منك، وتأخر أغنية "انتي معلمة" إن النقابة كانت رافضة وجودك وأنا اللي روحت وحليت الموضوع"، متسائلًا: "فين فلوس أغنية الفرح مع إني مقابلك أول إمبارح، وبعدين أنا ربنا كرمني وعايز أعمل فن محترم، انت خلتني أعمل الفيديو واحرجتني مع الراجل، هي دي أصول شغل، إنت دخلت بيتي وكلت عيش وملح عيب تكتب بوست قدام الناس".

وأضاف "أنا نزلت لك مدير أعمالي في فرحك عشان هو اللي مكلم النجوم اللي جت في فرحك ووقفت لوحدي في تونس وأنا عندي مشكلة، أنا طول عمري جدع، وسايبلك 12 تراك تاكل منها عيش، وعربيتك اللي انت راكبها أنا اللي اتصدرت لك فيها عند المعرض وكان ثمنها مليون و850 ألف جنيه، ودورت عربيتك في وقتها ومشيت وكله عشان خاطري أنا، أنا مش قليل ولا صغير".

وكان مطرب المهرجانات حمو بيكا قد شن هجوما على عمر كمال بسبب خلاف حول تسجيل أحد المهرجانات.

وأوضح في بث مباشر كيف بدأ تعاونه الغنائي مع عمر كمال، قبل أن يتطرق لتفاصيل الخلاف الذي بدأ بعد تصوير مهرجان "أنتي معلمة"، التي تم تنفيذها على أن تكون حقوقها مملوكة لعمر كمال وتم تنفيذها وفقا لرؤيته، مشيرا إلى تلقيه مكالمة من مدير أعماله يخبره فيها بوجود مشروع مهرجان جديد مع الموزع الموسيقي "ساسو" بعنوان "فستان الفرح" وأنه مطلوب منه غنائه مع عمر كمال.

أكد حمو بيكا أن عمر كمال رحب بالتعاون معه في المهرجان الجديد، وهو ما جعله يمنح موافقته لمدير اعماله لكي يحصل على مقدم للتعاقد، لكن عمر كمال ظل يماطل لعدة أيام رافضا تسجيل المهرجان الذي اتفق على تقديمه.

عبر حمو بيكا عن غضبه تجاه الأصدقاء المزيفين الذين ندم على معرفتهم، مؤكدا أن عمر كمال شخص سيء لا يهمه سوى جمع الأموال ولا يتعامل معه باحترام، رغم أنه أكثر نجومية منه.

اقرأ أيضا

بعد انتشار فيديو ساخر من تصرفها... زوجة أحمد الفيشاوي ترد: أنا أتقل من كده

عمرو دياب يطرح برومو "محسود" ثاني أغنيات ألبومه الجديد "يا أنا يا لأ"