بعد إعلان الخلاف بينهما... حسن شاكوش يغني لعصام الحضري

ولاء مطاوع | فى موسيقى وحفلات

الأربعاء , 29 أبريل 2020 - 20:04

وجه مطرب المهرجانات حسن شاكوش رسالة لحارس المرمى عصام الحضري، معلنًا فيها أنه لا يقصد مضايقته بأي شكل وواصفًا ‏إياه بأنه "هرم" مصر ثم غنى له مقطع من مهرجان "بنت الجيران".‏

رد الحضري على رسالة شاكوش قائلا: "شاكوش يا عم الناس حبيبي واحشني، أنا مقدرش ازعل منك أنت عارف العلاقة بيننا بقالها ‏سنين السنين السنين وأنت عارف إحنا أكتر ناس بتقف في ضهرك وربنا يكرمك أنا مبزعلش من حاجة خالص، بعض الناس بتحب ‏تحور وتعمل حوارات وبعض الناس بتحاول توقع بين الناس وأحنا في شهر كريم، أنت حبيبي كل سنة وأنت طيب".‏

View this post on Instagram

شاكوش بيغني للحضري و الحضري بيرد 😂 لمتابعة الڤيديوهات والاشتواك في القناة ، الوابط في ال Bio 😉

A post shared by Essam El Hadary (@elhadary) on Apr 29, 2020 at 6:41am PDT

كان حسن شاكوش قد أوضح خلال حواره ببرنامج "شيخ الحارة" مع المخرجة إيناس الدغيدي عبر قناة "القاهرة والناس"، أن ‏الحضري كان قد وجه له التهنئة في فيديو بمناسبة افتتاحه لصالون حلاقة، لكنه نشر بعد ذلك فيديو ينفي فيه تهنئته، وموضحا أنها لم ‏تكن بسبب نجاح أغنية "بنت الجيران"، مضيفا: "هو باركلي على الكوافير الرجالي في فيديو.. يشكر.. لكن بعدها طلع في فيديو بيقول ‏أنا الفيديو بتاع شاكوش مقطوع أنا مش ببارك على أغانيه وأنا معايا الفيديو الأصلي وبتاع.. طب ليه؟‎".‎

أضاف: "هو أخ ليا وعلى طول كنا مع بعض على تليفونات، بس لو مش حابب الأغاني بتاعتي طب بتجيبني في المناسبات عندك ‏ليه؟.. طلب إني أغني في حفلة عيد ميلاد بنته شدوى بس معرفتش اروح لأن كان يومها حفلة استاد القاهرة وكان عندي 12 أوردر ‏غيرها، يمكن اتضايق لما مروحتش.. بس في كل الأحوال أنا مش عارفه قصده ايه من الفيديو، هل عشان مروحتش أغني عيد ‏الميلاد؟‎".‎

على صعيد آخر، كان شاكوش قد انتهى من تسجيل أجدد أعماله الغنائية "بتشرف بيكم"، أول دويتو يجمعه بالفنان أحمد سعد‎.‎

وتعد الأغنية المنتظرة أول بشائر ألبوم أحمد سعد الجديد، المقرر إطلاق أغانيه بشكل منفرد. كما تعيد لم شمل الموزع إسلام شيبسي ‏وشاكوش بعد تقديمهما سوياً أغنية "على ناصية شارع أيامي"، التي اختيرت لمسلسل "البرنس" للنجم محمد رمضان، الذي يخوض به ‏سباق الدراما الرمضانية‎.‎

اقرأ أيضا:

صدمة ياسمين رئيس لحظة ظهور رامز جلال

على مسئوليتها... مي العيدان تنشر صورة زوجة رامز جلال