فيديو- إعلان فيلم لن يكتمل لهيثم أحمد زكي

ولاء مطاوع | فى سينما وتلفزيون

هيثم أحمد زكي

الأحد , 10 نوفمبر 2019 - 22:11 | اخر تحديث: الأحد , 10 نوفمبر 2019 - 22:11

كشف الفنان عمر السعيد عن مشروع فيلم لن يخرج للنور بسبب وفاة الفنان هيثم أحمد زكي، حيث كان واحدًا ‏من أبطال الفيلم.‏

نشر عمر السعيد عبر حسابه الخاص على Instagram، جزء من إعلان الفيلم وعلق عليه قائلًا: "من فترة كده كلمني صديق عمري محمد أديب، وهو ‏مؤلف ومخرج، وقال لي أنا عندي فكرة لفيلم وعايز أصور برومو الأول قبل الفيلم عشان فيه شغل جرافيكس ‏كده ولازم نتأكد إنه هيطلع كويس ومظبوط".‏

13 ملاحظة من عزاء هيثم أحمد زكي

تابع السعيد: "المهم اشتغلنا على الفكرة وكلم ممثلين أصحابنا وصورنا البرومو، بعد كده حصلت ظروف كتير ‏في البلد وفي حياتنا الشخصية زي الانشغال بأعمال تانية وسغر أديب لدراسة ماجستير في أمريكا، المهم ‏التجربة دي أنا افتكرتها النهاردة، افتكرت بروفات البرومو في بيت أديب أنا وفيشاوي وهيثم وشيري وكريم ‏وغيدا وإحنا متحمسين ومبسوطين إننا بنعمل فكرة جامدة وبره الصندوق لفيلم غير تقليدي".‏

أكمل عمر السعيد: "افتكرت تفاصيل كتير أوي لأيام حلوة، افتكت وإحنا عاملين زي الهواة عشان مشروع كلنا ‏كان نفسنا فيه، افتكرت إن أه القدر خلاني أمثل في فيلم فيه هيثم زكي وهو سكر مر، بس هو نفس القدر أو ‏الظروف اللي منعتنا من استكمال مشروع انتهى للأبد غير واحد من أبطاله، ده جزء بسيط من برومو طويل لمشروع انتهى، الله يرحمك يا هيثم ‏ويغفر لك".‏

View this post on Instagram

ذكريات.....من فترة كدا كلمنى صديق عمرى محمد اديب و هو مؤلف و مخرج و قالى انا عندى فكرة لفيلم و عايز اصور برومو الاول قبل الفيلم عشان فيه شغل جرافيكس كدا و لازم نتاكد انه هيطلع كويس و مظبوط... المهم اشتغلنا ع الفكرة و كلم ممثلين اصحابنا و صورنا البرومو... بعد كدا حصلت ظروف كتير فى البلد و فى حياتنا الشخصية زى الانشغال باعمال تانية و سفر اديب لدراسة ماجستير فى امريكا... المهم التجربة دى انا افتكرتها النهاردة... افتكرت بروفات البرومو فى بيت اديب و انا و فيشاوى و هيثم و شيرى و كريم و غيدا و احنا متحمسين و مبسوطين اننا بنعمل فكرة جامدة و برا الصندوق لفيلم غير تقليدى... افتكرت تفاصيل كتير اوى لايام حلوة. افتكرت و احنا عاملين زى الهواة عشان مشروع كلنا كان نفسنا فيه... افتكرت ان اه القدر خلانى امثل فى فيلم فيه هيثم زكى و هو سكر مر... بس هو نفس القدر او الظروف المنعتنا من استكمال مشروع انتهى للابد من غير واحد من ابطاله.... دا جزء بسيط من برومو طويل لمشروع انتهى.... الله يرحمك يا هيثم و يغفرلك @fishawyofficial @ghidanouri1 @moh_adeeb @shery_adel_official @karimkassem86

A post shared by عمر السعيد (@omarelsaeed) on Nov 10, 2019 at 11:15am PST

يذكر أن عمر السعيد وهيثم أحمد زكي تشاركا بطولة فيلم "سكر مر" مع أحمد الفيشاوي، أيتن عامر، شيري ‏عادل، محمد فراج، ناهد السباعي، نبيل عيسى، أمينة خليل، تأليف محمد عبد المعطي وإخراج هاني خليفة.‏

يشار إلى أن هيثم أحمد زكي، كان قد توفي فجر الخميس، عن عمر يناهز 35 عامًا، إثر إصابته بهبوط حاد ‏في الدورة الدموية، بحسب التشخيص المبدئي، إلا أن نيابة أول وثان الشيخ زايد، أصدرت منذ ساعات قليلة ‏تقرير الوفاة، الذي أشار إلى أن الوفاة طبيعية، وأن المتوفي عانى من متاعب صحية مساء الثلاثاء الخامس من ‏نوفمبر، تتمقل في مغص وتقلصات أصابته نتيجة تناوله لعقاقير ومقويات العضلات، خاصة أن في هذا اليوم ‏كان عائدًا من "الجيم"، ومرهق بسبب التمارين، وتعاطيه جرعة زائدة من العقاقير التي تسببت في إعيائه، ‏ونقله أفراد أمن الكمباوند لأقرب صيدلية، وحقنه الصيدلي حقنتين مسكن آلام‎.
‎
وبعد فحص كاميرات المراقبة في "الكمباوند" تبين أن هيثم زكي نزل من منزله برفقة أفراد الأمن ونقلوه إلى ‏الصيدلية، ثم أعادوه مرة أخرى‎.
‎
وكشف أفراد الأمن أن الراحل طلب منهم تركه ليرتاح، وفي اليوم التالي حاولوا الاطمئنان عليه ولكنه لم ‏يُجب، مما زاد قلقهم إلى جانب حضور خطيبته وخالته، اللتان أكدتا على عدم إجابته على الاتصالات، ليبلغوا الشرطة التي ‏أخطرت النيابة لكسر باب الشقة، ليتم العثور على الجثمان المسجي على أرضية الحمام‎.‎‏ ‏

‎‎

اقرأ أيضًا:

تعرف على إنجي سلامة... خطيبة هيثم أحمد زكي التي اكتشفت وفاته

بالصور- أحدث ظهور لنورا في عزاء هيثم أحمد زكي