عندي مايوه شبه "البيبي دول" وأدخلوا انتوا الجنة وسيبوني أدخل النار واللي بيديني مصروف يقطعه ومن فرحتي نسيت زراير البنطلون … عجائب وغرائب تصريحات عارفة عبد الرسول

فى حياة المشاهير

عارفة عبد الرسول

الأحد , 21 يوليو 2024 - 17:07 | اخر تحديث: الأحد , 21 يوليو 2024 - 17:07

عارفة عبد الرسول ورقصة كوميدية تصدرت التريند من التعليقات الشهيرة لعارفة عبد الرسول عندما نشرت صورتها على متن قارب في البحر وكتبت في تعليقها: "من فرحتي نسيت زراير المنطلون" كان لعارفة عبد الرسول صورة شهيرة نشرتها وهي ترتدي المايوه وكتبت تعليقا عليها: لقيت الطبطبة تلقت عارفة عبد الرسول انتقادات بسبب هذه الصورة وردت عليها قائلة: كل اللي أنا عايزاه من الناس ‏إن كل واحد يبص في ورقته، خلي لك يا عم الجنة خلاص أدخل أنت الجنة، لما كلكم هتخشوا الجنة أمال ‏يعني مين اللي هيخش النار؟ سيبني أنا بقى أدخل النار وأوضحت عارفة عبد الرسول رأيها في المايوه: وأنا صغيرة كنت ممكن ألبس بكيني، ولما كبرت بقيت ألبس مايوه قطعة واحدة، وحاليا عندي مايوه شورت شبه البيبي دول، وأراعي جسمي وسني، وممكن ألبس بوركيني قالت عارفة عبد الرسول عن تعليقاتها التي تثير الجدل: "لساني فالت أعمل ايه.. أنا بتكلم بطبيعتي ومبقصدش حاجة خالص، واللي بيديني مصروف يقطعه اشتكت عارفة عبد الرسول من متابعة كتبت لها لتطلب منها 800 ألف جنيه قائلة : واحده بتطاردني في الكومنتات...عايزاكي ضروري جدا لدرجة أنها كتبت رقمها فى كومنت وأنا قولت يافرج الله شغل أهو، كلمتها طلعت عايزة800 ألف جنيه بأي شكل وأمضيها على أي ورق....أحيه يامه ومن آراء عارفة عبد الرسول: أنا ضد مقولة أن الفن رسالة أو بيدي دروس اللي عايز دروس يروح الجامع ولا الكنيسة كما حكت عارفة أيضا: معشتش طفولتى، وأول مرة اركب ملاهى فى حياتى كان فى مسلسل اللعبة وعن عائلتها قالت عارفة عبد الرسول: أبويا كان بقال وكنت بقف في البقالة وأنا عمر 3 سنين في واقعة صفع عمرو دياب لمعجب، دافعت عارفة عبد الرسول عن عمرو دياب وقالت عن الشاب إنه متحرش كتبت عارفة عبد الرسول: أنا بصراحة ماليش فى عمرو دياب، ولكن عايزه بتوع البادى لانجوتش يبصوا على حركه صوابع الولا وهيه متشنجه، (حاله من الشبق) وبتجذب عمرو ناحيتها وفجأه بقى فى ضهره، المفاجأة خلت رد الفعل شكله كده، احسبوها، الواد ده متحرش عارفة عبد الرسول

رغم ظهورها من سنوات قليلة على شاشات التليفزيون، لكن الفنانة عارفة عبد الرسول تمكنت من خطف أنظار الجمهور في كل عمل تشارك به.

وفي الحياة الخاصة كانت عارفة عبد الرسول نجمة مواقع التواصل الاجتماعي وتصدرت التريند كثيرا بسبب صور تنشرها وتعليقات عليها أو رأي تقوله ويثير الجدل أو حتى حكايات عن حياتها.

آخر ما تصدرت به عارفة عبد الرسول التريند فيديو من حفل زفاف الفنان حسني شتا، ظهرت فيه تجلس على إحدى الطاولات وترقض بطريقة كوميدية.

لكن قبله كان لعارفة عبد الرسول تعليق على فيديو "سفاح القطط" أثار الجدل بعدما قالت: "فيه ناس بتعبد البقر واحنا بناكلها، وفيه دول مانعة صيد الحمام وبرضه بناكله، وفيه النهارده لحم أسد بيتباع بالشيء الفلاني.. وفيه دول بتاكل كلاب وإحنا بناكل الخروف وفيه معبد للفيران وإحنا بنسمّها وفيه ناس كتير ماداقوش اللحمة من سنين .. أنا شايفه إنه يعني مافيهاش حاجه لو أي حد أكل أي حيوان طالما مش حرام.. مع اعتذاري الشديد لمحبي القطط والكلاب.. أنا ماشوفتش الفيديو وجايز طريقة الدبح هي اللي وجعتنا.. مجرد وجهة نظر"

ورغم تعرضها للانتقادات لا تحذف عارفة عبد الرسول منشور أو تتراجع عنه توضح رأيها وما قصدته.

وفي هذا الألبوم نتذكر أغرب تعليقات عارفة عبد الرسول وحكاياتها في البرامج وتصريحاتها التي أثارت الجدل كثيرا.