22 تصريحا لـ مي كمال في "من إمبارح للنهارده": أنا مع إعادة الأفلام القديمة ونفسي أعمل دويتو مع محمد فوزي وصوت بهاء سلطان "رهيب"

فى موسيقى وحفلات

المطربة مي كمال، تتحدث لبرنامج «من إمبارح للنهارده» عن تفاصيل رحلتها الفنية.

الأحد , 27 سبتمبر 2026 - 13:35 | اخر تحديث: الأحد , 27 سبتمبر 2026 - 13:36

اتأثرت في صغري بمشاريع عائلتي الفنية جدا، رغم إني كنت خجولة ومحدش منهم كان يعرف اني بغني، واكتشفوني متأخر لما بقيت في الجامعة. ما كنتش بغني مع والدتي عفاف راضي وقت ما كنت بكتشف نفسي في الغناء. مش ندمانة إني ما درستش الفن، ومؤمنة إني لازم يكون معايا شهادة جنب الغناء، بس سيبت شغلي بعد 5 سنين عشان أكون مغنية. اخدت وقت كبير عشان أطلب مساعدة من حد من عيلتي عشان أدخل مجال الفن، وكنت بحب أعتمد على نفسي. والدتي دايما كانت بتنصحني إني أشتغل وأعيد كتير، ونصايحها كانت دايما متعلقة بالفن أكتر لأنها كانت دقيقة جدا في شغلها ومشوارها الغنائي. وقفت قصاد الأستاذ محمد صبحي في برنامج اسمه "مفيش مشكلة خالص" وكنت خايفة جدا بس هو سندني جامد. أكتر شخص اتعلمت منه في حياتي هي أمي، واتعلمت أكون صبورة. الغناء شغلانة مش مستقرة عكس شغلي السابق تماما في الاستقرار، وأخدت وقت لحد ماتقبلت طبيعة الشغل في الغناء، ولما جربت أرجع لشغلي السابق مقدرتش وما كانش عندي شغف. والدتي نصحتني بدخول الأوبرا عشان أتعلم وأدرس الغناء الأوبرالي. مع فكرة إعادة الأفلام القديمة بشكل حديث، ولكن لازم الفكرة لما تتعاد تحترم الشكل القديم وفي نفس الوقت تكون مختلفة ولو اتعمل فيلم "مولد يا دنيا" هتبقى فكرة حلوة. أكتر أغنيتين بحبهم في فيلم "مولد يا دنيا" هما "يمكن على باله"، و"يهديك يرضيك". ما كنتش مهتمة بأغاني الأطفال زمان، ودلوقتي بقت مهم جدا بالنسبة لي، وبقيت أسمع أغاني الأطفال من ساعة ما خلفت آدم ابني. أحمد علي الحجار بعتبره من أكتر أصدقائي القريبين في الوسط الفني، وبستمتع بالغناء معاه وبقعدته، وهو شخص موهوب جدا وخطير. ماجربتش المسرح وبفكر آخد ورش تمثيل الفترة الجاية، لأنه مختلف عن الغناء وحاسة إني محتاجه أجربه. لو هعمل دويتو مع مطربين زمان هختار الفنان محمد فوزي، لأني بحب غنائه وألحانه، وعبد الحليم حافظ ومنير مراد. اتعلمت وعلمت نفسي لغات كتير، زي الإيطالي والأسباني والفرنسي، واللكنات العربية كمان. نفسي جدا أكرر تجربتي في الغناء داخل مسلسل، وبحب جدا أكون جزء من عمل مهم زي ما غنيت: "تقسى دنيتنا" في مسلسل "إلا أنا". الأمومة غيرتني ١٨٠ درجة، لأن الأولويات اختلفت في حياتي، وبعيد اكتشاف نفسي دلوقتي. نفسي أزرع في ابني المثابرة والاستمرارية، وإنه يكون صادق وأمين وبشوش. بشتغل حاليا مع الموزع الموسيقي مصطفى صبحي على ألبوم جديد من حوالي ١٢ أغنية، الحان وكلمات بسيطة مصرية عشان أقدم محتوى غنائي للأطفال. بحب المطرب بهاء سلطان جدا، على المستوى الشخصي إنسان وأخلاقه عالية، وعنده مساحة صوتية رهيبة، وموهبته عمرها ما هتروح، وأبقى في منتهى الحظ لو غنيت معاه دويتو. ما بتكسفش أطلب التعاون مع فنان في دويتو، وشايفة السعي مهم. مي كمال في حفل مع والدتها الفنانة الكبيرة عفاف راضي المطربة مي كمال مي كمال قبل إحدى المناسبات الفنية مي كمال في حفل غنائي

كشفت المطربة مي كمال، خلال لقائها في برنامج «من إمبارح للنهارده»، تفاصيل رحلتها الفنية، موضحة أن تأثرها بأسرتها الفنية لم يمنعها من خوض التجربة بمفردها، إذ كانت خجولة ولم يعلم أفراد عائلتها بموهبتها الغنائية إلا بعد التحاقها بالجامعة.

وأكدت مي أنها لم تكن تغني مع والدتها الفنانة عفاف راضي خلال بداياتها، كما لم تندم على دراسة مجال آخر، مشيرة إلى أنها عملت لمدة خمس سنوات قبل أن تتفرغ للغناء، لأنها لم تعد تشعر بالشغف تجاه عملها السابق.

وأشادت بنصائح والدتها التي شجعتها على التدريب وتكرار المحاولات، كما تحدثت عن وقوفها أمام الفنان محمد صبحي في برنامج «مفيش مشكلة خالص»، مؤكدة أنه دعمها وتغلبت بفضله على خوفها.

وأعلنت مي تأييدها لإعادة تقديم الأفلام القديمة بشرط احترام العمل الأصلي وتقديم معالجة مختلفة، مشيرة إلى أنها تحب أغنيتي «يمكن على باله» و«يهديك يرضيك» من فيلم «مولد يا دنيا».

وكشفت عن تحضير ألبوم للأطفال يضم نحو 12 أغنية بالتعاون مع الموزع مصطفى صبحي، مؤكدة أن الأمومة غيرت أولوياتها. كما أعربت عن أمنيتها في تقديم دويتو مع محمد فوزي أو بهاء سلطان، مشيدة بموهبته وأخلاقه، ومؤكدة رغبتها في خوض تجربة المسرح والتمثيل.