أقيم اليوم ندوة الفنان محمود حميدة ضمن فعاليات الدورة السابعة من مهرجانزالحونة السينمائي.
أدارت الندوة الفنانة مريم الخشت، وحضرها عدد من النحوم منهم حسين فهمي وصبري فواز ونور النبوي والكاتبة إنجي علاء والمخرجة إيناس الدغيدي والإعلامية بوسي شلبي.
تحدث محمود حميدة في اليداية عن مهنة التمثيل وقال: "قلت لصديق ليا المهن بتاعتنا واقصد بها أعمال التسالي محتقرة من المجتمع الإنساني، قالي إزاي إحنا بنحترمكم جدا، قلت له ابنك هيجيلك بكرا الصبح يقولك هتحوز رقاصة قالي لا مش للدرجة دي".
وتابع:"المهن دي لا غنى عنها هي روح المجتمع، ميقدرش يستغنى عنها لكن في نفس الوقت مش عايز يديها القيادة، مجموعة المهن بتاعتنا كانت عادات دينية حركية صوتية، أول ما الإنسان اتعلم إن فيه إله كان بيخاطبه بمجموعة أصوات وحركات، وبعد زمن المعتقدات أصبحت آدبيات تكتب وأصبح في مهنة، فمجموعة العبادات دي خرجت برا المعبد وأصبحت مهنة من لا مهنة له، الناس بتقول هي دي شغلانة وهنا موقع الاحتقار" .
وعن قول البعض أن الأعمال الفنية هي للتسلية فقط قال محمود حميدة:"البعض بيعترض على موضوع للتسلية وبينزعجوا لكن لو احنا مش بنسلي الناس هتتفرج علينا ليه، التسلية حاجة عظيمة في ألفاظ مش بنفهم معناها، دي معناها أن تنسى الهموم".