رافع علم المثليين في حفل "مشروع ليلى" يعتذر للفريق وجمهوره

مي جودة | فى حياة المشاهير

صورة لأحمد علاء والعلم

الاثنين , 25 سبتمبر 2017 - 18:09 | اخر تحديث: الاثنين , 25 سبتمبر 2017 - 18:09

وجه الشاب أحمد علاء، الذي رفع علم المثليين جنسيا في حفل "مشروع ليلى" بمصر، أسفه للفريق وجمهوره على النتائج التي ترتبت على فعلته.

وأكد علاء أن هناك العديد من الإعلاميين طالبوه للحديث معه عبر القنوات المختلفة للرد على من هاجموه وتفسير رفعه للعلم، ولكنه حالته النفسية بسبب الهجوم عليه وملاحقته أمنيا منعته من الرد، وذلك عبر حسابه بموقع Facebook.

وجاء في منشور أحمد علاء: "انا مش عارف ابدأ الكلام منين بس هحاول ارتب افكاري بقدر المستطاع:

- مبدئيا انا مش مثلي واعتقد واحد رفع علم rainbow في وسط ٢٥ الف واحد هيبقى عنده الشجاعه انه يقول على نفسه مثلي لو هو كدا فعلا.

- مسمهمش شواذ اسمهم مثليين، والمثلية الجنسية موجودة في اكتر من ١٥٠٠ نوع وتوجه جنسي معترف بيه من اكبر المظمات زي منظمة الصحة العالمية وجمعية علم النفس الامريكية والجمعية الطبية الأمريكية

- المثلية الجنسية لو الأديان بتحرمها ممكن حضرتك متمارسهاش بكل سهولة زي ما الخمرة متحرمة وفي ناس بتشربها لكن انك تفرض معتقداتك على غيرك دي همجية وتطرف وممكن تروح داعش هي بترحب جدا بأمثالك

- المجتمعات مش بتنحدر لما يكون فيها مثليين وملحدين وترانس .. المجتمعات بتنحدر لما يكون فيها ناس مبتتقبلش الإختلاف وحاشرين مناخيرهم في اعضاء الناس الجنسية وحياتهم الشخصية وشايفين انهم بيمتلكوا الحقيقة والفضيلة وبيجبروا الناس عليها

- الاعلاميين الي بيتشموني مش غريبة عليكم وده شيء متوقع، انتو تستكتوا عن القتل خارج اطار القانون والاعتقالات والاخفاء القسري واحكام قضائية ظالمة بس الناس تمارس حياتها الشصخية بالطريقة الي تريحها او تمارس حق التعبير عن الرأي الي كفلهولهم الاعلان العالمي لحقوق الانسان فدي بالسبالهم فاجعة وخلاص المجتمع بينهار .. انتو بجد؟

- شكرا للاعلاميين برضه انا تقريبا بقيت مطلوب امنيا دلوقتي يا رب تكونوا مرتاحين

- كم التهديدات بالقتل والاغتصاب والسحل بتثبتلي ان داعش موجودة في كل شارع في مصر واه يا جماعة انتو انتصرتوا انا خايف انزل الشارع

- اسف لكل الناس الي اتشتمت في الكومنتس عندي، واسف لو سببت لمنظمين الحفلات اي مشكلة، اسف للإعلاميين المحترميين الي كفلولي حق الرد انا في حالة نفسية سيئة وكل حاجة بتبوظ ومش قادر اتلكم ولا ادافع عن نفسي، اسف لجمهور مشروع ليلى لو سببتلهم مشاكل. وشكرًا.".